呢間餐廳我好快已經再返去幫襯。新鮮手製意大利麵實在非常有質感同咬口，感覺同平時食嘅意大利粉實在大不同。侍應服務態度好，非常有耐性講解每種面嘅分別 (大部分睇名都估唔到係乜東東)。Tasting menu 價錢非常相宜，只係$280 已經可以試到好多款式。
吞拿他他真心好食。Cold cut 芝士 👍。太多意粉種類而且係其他地少見，絕對值得一試。貓耳朵麵、意大利雲吞、蝦麵餃、黑白松露意粉。。。
而甜品 Tiramisu 真係有驚喜，因為我係鐘意帶酒味及濕的 texture。呢間完全符合我要求，太喜愛了 ❤
餐廳氣氛令你不自覺會開酒飲，享受嘅一晚 🌷